सुमित्रा पौडेलको स्मृतिमा सूर्योदय आधारभुत विद्यालयमा सरस्वती मन्दिर स्थापना 

कपिलवस्तु, २७ कात्तिक ।
बाणगङ्गा वडा न. ८ सूर्योदय आधारभुत विद्यालयमा २८ वर्ष अध्यापन गराउनु भएकी सुमित्रा पौडेलको स्मृतिमा सरस्वती मन्दिर स्थापना गरिने  भएको छ । पौडेलको स्मृतिमा परिवारले विद्यालय परिसरमै सरस्वती मन्दिर स्थापनाका लगी शिलान्यास गरेको हो । 
आइतबार विद्यालय व्यवस्थापन समिति तथा सुमित्रा पौडेलका ससुरा बुबा, उहाँका पति प्रेम नारायण पौडेल तथा छोरीहरूले संयुक्त रुपमा शिलान्यास गर्नु भएको हो । 

विद्यालयले २८ वर्ष अध्यापन गराउनु भएकी शिक्षक सुमित्रा पौडेलको निधनले सिंगो विद्यालय स्तब्ध भएको जनाएको छ । २०५० साल देखि विद्यालयमा अध्यापन गराउँदै आउनु भएकी पौडेलले २०७८ सालमा अवकाश प्राप्त गर्नु भएको थियो ।
शिलान्यास कार्यक्रममा उहाँका छोरीहरू प्रविणा, शोभा, रक्षा र अनुजा तथा विद्यालय व्यवस्थापन समितका पदाधिकारी एवं समाजसेवीहरूको बाक्लो उपस्थिति रहेको थियो ।

वाणगङ्गा नगरपालिका वडा नं. ८ चप्परगाँउ निवासी पौडेलकी धर्म पत्नी सुमित्रा पौडेलको कार्तिक १० गते ग्रान्डी इनटरनेश्नल अस्पतालमा काठमाण्डौमा उपचारका क्रममा ५८ वर्षको उमेरमा निधन भएको थियो ।