जनताको आवाज सुन्दै विकासका प्राथमिकता पहिचान गर्दै भौतिक मन्त्री क्षेत्री

प्रेसपाटी डेक्स, साउन ३०

लुम्बिनी प्रदेश सरकारका भौतिक पूर्वाधार विकास मन्त्री रत्नबहादुर क्षेत्रीले विकास निर्माणका योजना कागजमा मात्र सीमित नभई जनताको वास्तविक आवश्यकता र गुनासासँग जोडिनुपर्नेमा जोड दिनुभएको छ।
मन्त्री क्षेत्रीले बाँकेको कोहलपुर नगरपालिकाका विभिन्न स्थानमा स्थानीय नागरिकसँग प्रत्यक्ष भेटघाट गर्दै जनगुनासा, विकासका आवश्यकता तथा पूर्वाधार निर्माणका विषयमा छलफल गर्नुभएको हो। उहाँले स्थानीयस्तरमा देखिएका समस्या प्रत्यक्ष रूपमा सुन्ने र सम्भव समाधानका लागि सम्बन्धित निकायसँग समन्वय गर्ने प्रतिबद्धता जनाउनु भएको छ।
स्थानीय नागरिकसँगको प्रत्यक्ष संवादलाई उहाँले विकासको प्राथमिकता पहिचान गर्ने महत्वपूर्ण माध्यमका रूपमा लिनुभएको छ। सडक, यातायात, भौतिक पूर्वाधार तथा स्थानीय आवश्यकताका विषयमा नागरिकले उठाएका सवालले आगामी योजनालाई थप जनमुखी बनाउन सहयोग पुग्ने उहाँको धारणा छ।

प्रदेश सरकारको विकास नीति नागरिकको आवश्यकता र अपेक्षामा आधारित हुनुपर्ने सन्देश दिँदै मन्त्री क्षेत्रीले जनतासँगको सम्बन्ध र संवादलाई निरन्तरता दिने बताउनुभएको छ। जनप्रतिनिधि र नागरिकबीच प्रत्यक्ष संवाद बढ्दा विकासका योजना छनोटमा वास्तविक आवश्यकता प्रतिबिम्बित हुने र कार्यान्वयनमा समेत जनसहभागिता बढ्ने अपेक्षा गरिएको छ।
विकास निर्माणको प्रभावकारिता बजेट विनियोजनमा मात्र नभई त्यसको सही प्राथमिकता निर्धारण र प्रभावकारी कार्यान्वयनमा निर्भर हुन्छ। त्यसैले जनताको घरदैलोमै पुगेर समस्या र आवश्यकता बुझ्ने अभ्यासले प्रदेश सरकारका आगामी पूर्वाधार योजनालाई अझ व्यवहारिक, उत्तरदायी र परिणाममुखी बनाउन सक्ने देखिन्छ।
जनताको आवाज सुन्ने, आवश्यकता पहिचान गर्ने र सोहीअनुसार विकासको दिशा तय गर्ने अभ्यासले सरकार र नागरिकबीचको दूरी घटाउँदै समृद्धिको यात्रालाई थप अर्थपूर्ण बनाउने मन्त्रि क्षेत्रीको भनाइ रहेको छ ।